+
మాటలు
రామ్ నటన
కొత్త నటి కీర్తి
పాటలు
-
హీరోయిన్ మేకప్, వస్త్రాలంకరణ
నేపధ్య సంగీతం
సినిమా గురించి:
పెద్ద హీరోలకి , బ్రహ్మానందం కి తప్ప ప్రేక్షకులు ఈలలు వెయ్యరు. అలాంటిది ఈ సినిమా మొదలు అవుతుండగానే ఈలలు వెయ్యడం చూసి ఆశ్చర్యం వేసింది. బహుశా వాళ్ళు ఫాన్స్ లేదా అంతకుముందే సినిమా చూసినవాళ్లు అయుండవచ్చు. సినిమాకి ముక్యంగా మాటలు చాలా ముక్యం అవి ఈ సినిమాలో లక్షనంగాను పుశ్కలంగాను ఉన్నాయి. మాటలు ఉన్నాయి కదా అని ఎడాపెడా గాలి ఆడకుండా వాడేయ్యకూడదు. ఈ మధ్యే వచ్చిన ఒక సినిమాలో అలాపెట్టి బోర్ కొట్టించారు. కాని ఈ సినిమాలో సందర్భానుసారంగా వాడారు. ప్రతీ తరం లొనూ యువత ఉంటుంది. అప్పట్లో మేము 20 లలో ఉన్నరోజుల్లో వినేవాళ్ళం ఇలాంటి మాటలు. ఇప్పటికి అవి ఆకట్టుకునేలాగే ఉన్నాయి. స్క్రీన్ ప్లే ఎక్కడా బోర్ కొట్టకుండా నడిపించారు. మల్లి కలిసుందాంరా రోజులు ఒక్కసారిగా గుర్తుకు వచాయి. ఎక్కడా అసభ్యంగా లేకుండా సున్నితమైన అంశాలను మంచిగా తెరకెక్కించారు. అక్కడక్కడ వచ్చే పాటలు సినిమాకు అదనపు ఆకర్షణ. హీరోయిన్ చాలా బాగుంది కానీ ఆమెకు వేసిన మేకప్ చూడ్డానికి బాలేదు. ఎక్కడైతే ఆమె లిప్స్టిక్ వేస్కోదో అక్కడ బాగుంది. స్వతహాగా అందం ఉన్నప్పుడు మేకుప్ వాడాల్సిన అవసరం లేదు. హీరోయిన్ ఆకృతికి తగ్గ దుస్తులు వాడితే బాగుండును అనిపించింది. పి సి శ్రీరాం గారు పనిచేసే ఒక సినిమాలో ఆమె ప్రధాన తారాగణం. ఆమెను మరొక తెలుగు సినిమాలో చూడాలనుకునే దర్శకులు ఆ సినిమాని గమినిస్తే బాగుంటుంది. రంగుల ఎంపిక కూడా సరిగ్గా లేదు. దేవిశ్రీప్రసాద్ నేపధ్య సంగీతం విషయం లో అక్కడక్కడా తడబడ్డాడు. కాని ఫర్వాలేదు అనిపించాడు.
మొత్తానికి చాల రోజుల తర్వాతా ఒక మంచి సినిమా తెలుగు లో చూశానన్న ఆనందం కలిగింది.
